الموضوع بتاع النهارده اعزرونى لو لاقتونى مش قادر اتكلم فيه كويس علشان انتوا عارفين الحيطان ليها ودان
طبعا عرفتوا ان موضوعنا هو تناول احوال البلد على طريقة القهوة
وطبعا ده مبيبقاش راى كل واحد عن البلد اد مبيبقى راى كل واحد عن البرنامج اللى هو متابعه زى مثلا القاهرة والناس والعاشرة مساءا والطبعة الاولى و90 دقيقة وكل واحد بيميل للمذيع اللى بيحبه فبيحاول يفرض راى المذيع مش رايه هو وطبعا ان اساسى الطبعة الاولى لاحمد المسلمانى اللى تقريبا هى اكتر برنامج مبهم بالنسبالكوا بس بجد لو تابعته هتعرف انه احسن مذيع على الساح وعلى فكرة هو الصديق الشخصى لاحمد زويل المهم مطولش عليكوا قولوا طول
انا هكلمكوا فى الموضوع بتاع امبارح
احنا كنا بنتكلم عن الجيش وطبعا ولا واحد فى اللى قاعدين عاوز يخش الجيش مش عارف ليه مع انه كويس يعنى ...ولا انتوا رايكوا ايه؟
واحنا بنتكلم بيقول معقولة يا جماعة هم دول اللى بيحموا حدودنا الخارجية اصل للاسف اللى كانوا داخلين الجيش فى القاعدة اسمائهم ايه احمد تيكس وعلى فرخة واشرف ترك(اقسم بالله معلومة صحيحة) بينى وبينكم هو عنده حق معقول دول اللى بيحمونا
بس بجد الجيش مش بيتعرف الا ف وقت الزنقة بدليل ان اى احتفال ف مصر هو اللى بينظمه حتى لو كانت مبارة كورة وحد قالى لو الجيش ده مسك كل المصالح الحكومية مصر هتبقى جنة
وطبعا الرد التانى جنه ايه ياعم دا الاسلحة بايظة
لا بس اقسم بالله فى حاجات كتير انت متعرفش عنها حاجة(بصراحة عنده حق لازم تجرب بنفسك علشان تعرفها ههههههههههه)
وطبعا هنلف وندور فى الكلام شوية عن الموضوع ده بس فى النهاية هتنتهى بجمله من اروع الكلمات وهى ان الجندى المصرى هو خير جنود الارض زى مقال ربنا فى القران واد ايه فعلا ان حرب اكتوبر لسه لحد دلوقتى بتتدرس فى جميع الكليات الحربية العالمية
وحكيت انا طبعا الحكايه اللى انا عارفها من اخويا بس مش متاكد منها بس طبعا حلفت انى متاكد وانها حقيقة وهى ان المارينز كان بيعمل مناورة مع فرقة الصاعقة بتاعتنا وبعد مخلص التريب القائد بتاعهم قال على رجالتنا ان دول مش معقول يكونوا بش
وطبعا محمود مزيكا اتعصب وقالى يا عم انت بتصدق الكلام ده برده والله معت قاعد معاك تانى اتفووووووو
موضوع: القهوة 3 
الأحد أغسطس 29, 2010 8:28 pm
