القهوة 2

موضوع النهارده هو الكورة وطبعا لما بقول الكورة بقول الاهلى والمنتخب لان القهوة تقريبا مفهاش غير اتنين زملكاوية معروفين مفيش حد بيطيقهم بس والله العظيم دايما يصعبوا عليا لان دايما لما يجى فيهم جول القهوة كلها بتهيص الا هم ويا عينى لو جابوا جول واشك فى كده بتبقى فرحتهم عامله زى اليتامى اللى ملهمش اهل يفرحوا معاهم والله انا مش قصدى اعيب فيهم بس انا حابب اوصفلكوا ايه اللى بيحصل بالظبط
المهم هنتكلم على بعد الماتش والكلام عليه فى قعدتنا الظريفةاول متتكلم على الماتش هتحس انك قاعد مع حسن شحاته وحمادة صدقى مش قصدى بيهم حد معين لا انا قصدى كل اللى قاعدين هم حسن شحاته وخد عندك بقى يا سيدى اجمل تحليل فى الدنيا ....................
--عارفين المدرب ده غبى مكنش الفروض يلعب محمد شوقى ويركن شهاب والواد لسه يا عينى متالق
شوف بقى التانى هيرد هيقول ايه...
--لا يا عم بس برده شوقى ابن النادى وخبرة وبعدين كان محترف بقاله كام سنة والنادى محتاجة
--واحد تالت بقى والله انتوا الاتنين ولا المدرب بتفهموا حاجة المفروض احمد حسن هو اللى يلعب(طبعا اى بنت موافقة الشخص ده لانه عاوزة تشوف احمد حسن وهو حاطط جل)
--احمد حسن مين يا عم ده عنده خمسين سنه هو قادر يجرى
لا يا بابا الدهن فى العتاقى برده
--انت بتصدق برده الكلام ده
-- ايوة طبعا بصدق مش هو واخد احسن لاعب ف بطوله افريقيا اللى فاتت
--ايوة بس حسن شحاته اللى فرضه على الفريق
بس يا ابن ............ انت وهو انتوا ايه اللى فهمكوا فى الكورة اصلا
يلا يا ابراهيم روح علشان ميعاد المعدية بتاعتكوا هتقفل اهى
طبعا الجمله الاخيرة دى بيتريق
محمد سعد بيها عليا لان بلدنا مقسومة نصين وبينهم بحر وانا بقعد على القهوة اللى مش ف النص بتاعنا
وينتهى الكلام فى الكورة بعد مكل واحد فينا يحط التشكيله اللى المفروض المدرب كان يلعب بيها وطبعا ولا واحدة فين شبه التانى


استنونى فى القهوة 3 ولو حد عاوزنى معتش اكمل يا ريت يقولى

كمل يا هيما
كلنا متابعينك

كمل يا هيما

موضوع جميل يا هيما شكرا