القهوة

انا النهارده هقدم ليكم سلسله القهوة وان شاء الله تعجبكم...................
بصراحة مش عارف ابدا منين انا هبدا من وقت بعد منصلى التراويح اللى طبعا مش بصليها كاملة وبعدين اروح القهوة الاقى شلتين كل يوم احتار اقعد مع مين مع زمايلى اللى من سنى اللى بحس كتير انهم مش كبار ولا اللى اكبر منى شوية بس فعلا تحس انهم كبار
وطبعا بترسى فى الاخر على اللى اكبر منى فى السن بس مش عارف ليه اصلا كل يوم بحتار مع انى عارف انا هختار ايه فى النهايه
المهم بقعد واطلب من ايهاب اللى بقوله يا بوب علشان مبعرفش اندهله باسمه كده اصلها قلت زوق وف نفس الوقت مبقدرش اقوله يا استاذ فاخترت اوسط الحلول وقلتله يا بوب.المهم بطلب القهوة المانو اللى هو مبيعرفش يعملها بس برده بقوله تسلم ايديك ونبتدى بقى نتكلم فى المواضيع اللى كل يوم مبنتكلمش فى حاجة غيرها الا لو صدفت يوم ولا حاجة والمواضيع كالتالى
1-الكووووورة طبعا
2-السياسه وحال البلد ايه
3-البنات ودماغهم
4-ذكريات الثانوية العامة
5-اهم موضوع بقى اللى مفيش ولا واحد بيسكت فيه وهو..................خمنوا انتوا بقى
هحكيلكم عن كل موضوع بالتفصيل فى القهوة 2 ان شاء الله

سلسلة جميلة

دايما بترفعى روحى المعنوية والله يا دوللى

ممكن اكتر موضوع السياسه وحال البلد