أيام زمان.. أيام المدارس..

زمان ايام المدرسه - ايام التخته الخشب - اكيد مافيش حد مننا ماسابش عليها ذكري ليه
كتير اوي كانوا بيشخبطوا عليها او يكتبوا اساميهم او اول حرف منها
والناس اللى أنا من ضمنهم كانت بترسم قلب وسهم وحرفين وساعت يرسموا ورود


وايام الامتحانات كنا بنلاقي لوحات سيرياليه منقوله من كتاب المدرسة عشان الغش واللذي منه )


حاجات كتير اوي بس اكيد عمرنا ماشفنا حد رسم مسدسات وقنابل


دا اكيد حد كان مخنوق اوي من المدرسين والمدارس وعاوز يخلص بدري بدري




وفاكرين بواقي الاقلام الرصاص في الإبتدائي
اما القلم يبقي قد عقلة الصباع وماعدش ينفع يتمسك ، كنا بنرميه صح


طيب ايه رايكوا في اللي عمله فنان اسمه Dalton Ghetti ببواقي الاقلام الرصاص دي







كانت أيام جميله صح
أنا عن نفسى كنت بعمل كل حاجه من دى وانتم كنتوا بتعملوا زيي ولا لا

اللى انا فاكره ان لوكان حد بيحب حد يروح على تختتها ويكتب انه بيحبها ويرسم قلب ويكتب حرفه
صح ولا لا
كانت احلى ايام حياتى ايام الثانوى

اللى انا فاكره بقى ف حكاية الحب دى ف ايام ابتدائى ان كل الفصل كان بيحب نفس الواحدة واللى لازم بتجمع بين اجمل واادب واشطر واحدة فى الفصل بس الحقيقة مكنش حد بيبقى بيحبها ولا حاجة بس بيبقى ف تنافس على مين اللى هى ممكن تختاره واعتقد انى كان ليا الحظ ده ف وقت م الاوقات
بس بعد كده بنفضل نفتكر ده ونقعد نضحك كلنا

وانا كمان بتفق مع محمد بتهيالى اجمل ايام حياتى كانت ايام الثانوية ايام مكنا بنعمل اى حاجة فى اى وقت وميزتها اللى بتفرقها عن الكليه ان كل اصحابك بيكونوا معاك ف الحاجة اللى انت بتعملها مش زى الكليه اللى كل واحد فينا راح بلد شكل

موضوع جميل يا احمد
بس الكلام ده كان قليل عندنا
يمكن علشان انا طول عمرى فى مدارس لغات