النساء والله مظلومين

النساء و منصب الوزارة



قالوا الرجال إن النسا مالهمش في الوزارات
ونهار ابونا مِسا لو حكّموا الستات
في وزارة التموين و الاقتصاد بالذات
حتضيع فلوس البلد في اللبس و البوتيكات
بالذمة ده اسمه كلام
يبقى وزيرنا مدام
واسم البعيد فتكات
يختي عليه لو مشي
يدخل مجالس إشي
لابس قميص شفتشي
من كلمة واحده يختشي..وينزل صويت وعياط
يا اهل العلام والادب
اقروا التاريخ اللي انكتب..فوق الطريق علامات
كليوباترا حكمت بلد
بالحيلة ويّا الجلد
من غير لا خد ولا هات
وكام من وزير كان قفا
جه في الطريق واختفى .. ولهف وراه ألوفات
قصر الكلام يتقال .. مين فيهم اللي يفيد
مش مسالة عضلات
وساعات كتير ستات بيكونوا رجالة
ورجال بطبع النسا
وطالعلهم شنبات

شعرك جيد ولكن يغلب عليه الاسلوب الشعبى

مهو الشعبى ده المطلوب يا دكتور
علشان ابقى قريب من الجمهوووووووووووووور

انا عن نفسى مبحبش الشعبى

مش بطالة يا هيما

جميل يا هيما بس أكيد فى نقد بس كويس

الله عليك يا اين بلدى
كلام جميل

تقبل مرورى

قصيدة جميلة ولكنها ليست بالاجمل

حلو الرد ده اوى يا سمسمة اللى هو مش عارف ده مدح ولا زم زى محد يقول لحد كده
انت كلب ف وفائك مبيبقاش عارف هو بيمدحه ولا بيشتمه