موضوع النهارده هو البنات ودماغهم
يعنى قاعدتك الظريفه ع القهوة والحيرة المعتادة تقعد مع مين واتخاذ القرار ف الاخر اللى كل يوم مبتغيروش بس لازم يكون ف حيرة
افتح الموضوع بقى يا معلم
كل اللى قاعدين اتقلبوا كان كل واحد فيهم حسن شحاتة من خمس دقايق وفجاة بقى كل واحد فيهم بقى روميو
وطبعا خمسين بنت بتجرى وراه وهو مش معبر حد فيهم
انا النهارد يا جدعان كنت بكلم حته بنت ملكة جمال(والله لو شوفتوها هتقولوا انها يا اما عيشة الكيلانى ياما الست اطاطا)
ولو واحد بقى عارف البت دى
-ملكة جمال ايه يا عم دى مبتسمعش
-التانى بقى يدافع مسرعا لا بس عنيها حلوة
-روميو يدخل بقى
الجمله الشهيرة بص انا مفيش واحدة ف الدنيا تهز سعرة من راسى ومفيش واحدة تقدر توقع بينى وبين واحد صاحبى (وهو ف نفس اللحظة بيبص ع البت اللى معدية من قدامه اللى بتحب صاحبه)
-التالت بقى انتوا عارفين انا لو عاوز اكلم ميت واحدة هكلم بس انا اللى مش راااضى (غلبااااااااااااااااان)
-طيب ومش راضى ليه يا حيلتها
-يا عم بنات مين وبتاع مين هو انا فاضى بقى تقعد تقولى رايح فين وجاى منين انا عاوز اعيش حر (زى الحمار)
-طبعا مش مصدقينى طيب انا هسبتلكم امبارح واحدة اتصلت بيا وكانت النمرة غلط عارفين بعد معرفت ان النمرة غلط وقفلت انا مردتش اتصل بها تانى مع انها اعجبت بيا اوى وانا بقولها النمرة غلط حسيت ساعتها انى حب حياتها اللى بتدور عليه(هههههههههههههههههه)
-صادق يا كداب
بص يا عم ربنا يكفينا شرهم
-بقولك يا بوب الحساب عند ابراهيم سلام
موضوع: القهوة 4 
الإثنين أغسطس 30, 2010 10:49 pm
