انا النهاردة حصلى اجمل موقف فى حياتى اقسم بالله انا بكتب عنه وعمال بضحك لحد دلوقتى الموضوع ايه بقى انى كنت بعمل النهارده رخصة القيادة
انا الحمد لله بسوق حلو جدا بس طبعا اختبار القياده ملوش دعوة بانك بتعرف او مبتعرفش فى سواقين كتير جدا وكويسين جدا ومش بيعرفوا يعدوا القراطيس دى
المهم انا كنت واخد عربيه معايا والحمد لله نجحت فى امتحان الكمبيوتر
ولس قدامى القراطيس فقلت للسواق اللى معايا علمنى على القراطيس قالى بص انا هقولك الخلاصة وقام راسملى 3 نقط على الارض وعدى خط من بينهم زى التعبان كده وشاور بكف ايده وقالى انت هتعمل بالعربيه كده بالظبط وملكش دعوة بالباقى
قلتله لا والله امال الناس مستصعبين الموضوع ليه مهو سهل اهو قالى مش بقولك الخلاصة
وطبعا منجحتش ف السواقة بس كنت خارج من العربيه هيستريا ضحك
طبعا انتوا كلكوا دلوقتى تقدروا تطلعوا الرخصة بسهولة جدا لانى قلتلكم الخلاصة اوعوا تقولوا لحد بقى
على فكرة علشان مظلمش السواق بردة هو ف الاخر نصحنى نصيحة تانيه قالى متخبطش القارطيس
موضوع: اجمل موقف فى حياتى 
الإثنين أغسطس 30, 2010 10:36 pm
